Musika
17.000 txartel
La Polla Records BECen ikusteko sarrerak, berriz agortuta
N.V. | eitb.eus
Arabar taldeak BECen iragarri duen bigarren kontzerturako 17.000 sarrerak lehenengo kontzertukoak baino are azkarrago saldu dira.
-
'Ni descanso ni paz!' bira eskainiko du taldeak, 40. urteurrenean
Urriaren 18an BECen La Polla Records ikusteko sarrerak “atzo baino azkarrago” agortu dira, arabar taldearen bira antolatzaileen arabera. Halaber, hauen esanetan, ez dago asmorik Barakaldoko erakustazokan hirugarren gaualdirik antolatzeko.
Atzo taldeak urriaren 19an BECen emango duen kontzerturako sarrerak bi ordu baino gutxiagoan saldu eta gero, antolatzaileek bigarren kontzertu bat iragarri zuten bezperarako, urriaren 18rako. Punk taldeak agertokiak utzi eta hamasei urtera, itzulera bizitzeko bigarren aukera horretarako txartelak ere ziztu bizian bukatu dira gaur goizean, 11:00etan salgai jarri eta minutu batzuetara.
La Polla Recordsen itzulera bira Valentziara, Madrilera (hemen ere bigarren kontzertu bat iragarri dute) eta Bartzelonara ere iritsiko da.
