M.I.A., Cut Copy, Boys Noize eta Buraka Som Sistema, Sonar jaialdian

Sonar,Musika Aurreratuaren eta Arte Multimediaren Nazioarteko jaialdia, Bartzelonan eta Coruñan izango da ekainaren 16tik 18ra eta baieztapen berriak iragarri dituzte antolatzaileek, tartean, M.I.A, Die Antwoord, Cut Copy, Boys Noize eta Buraka Som Sistema.

M.I.A. izango da aurtengo jaialdiko artista erakargarrienetako bat. Zuzeneko indartsua taularatzen du artistak eta Vicki Leekx mixtape berriaren irmotasunari esker, musika garaikidearen ordezkari interesgarrienetako bat da.

Bestalde, Die Antwoord talde hegoafrikarra zeresan handia ematen ari da bere punk, pop, rap, rave eta eurobeat uztarketari esker.

Cut Copy mundu mailan synth poparen arloan den erreferente garbiena da eta taldea zuzenean ikusteko ikusmira handia da.

Bpys Noize eta Buraka Som Sistema taldeek techno proposamen basatiena eramango dute Sonarrera.

Gainera, Shackleton, Nicolas Jaar, Paul Kalkbrenner, Global Communication, Africa Hitech eta Steve Aoki taldeak ere iragarri dituzte antolatzaileek.

Horiek guztiak aurretik iragarrita zituzten Underwolrd, Salem eta Magnetic Manekin batera arituko dira Bartzelonan eta Coruñan.

Hauxe da hiri bakoitzerako oraingoz iragarri duten kartela:

Bartzelona: Underworld, M.I.A., Magnetic Man, Steve Reich + bcn216 + Synergy Vocals, Die Antwoord, Cut Copy, Paul Kalkbrenner, Boys Noize, Buraka Som Sistema, Shackleton, Nicolas Jaar, Africa Hitech, Global Communication, A-Trak, Atmosphere, Salem, Hype Williams, Little Dragon, Tyondai Braxton, Mary Anne Hobbs, Steve Aoki...

Coruña: Underworld, M.I.A., Magnetic Man, Die Antwoord, Cut Copy, Boys Noize, Salem, Buraka Som Sistema…

Eta gehiago ere iragarriko dituzte laster.

Bartzelonako Sonarri buruzko informazio gehiago nahi baduzu, egin klik hemen.

Coruñako Sonarri buruzko informazio gehiago nahi baduzu, egin klik hemen.