Musika
Heriotza
Jul, RIPeko gitarrista hil da kontzertua ematen ari zenean
Erredakzioa
Ezbeharra atzo izan zen Bergarako Gaztetxean. Jul Bolinaga The Potes taldearekin kontzertua ematen ari zen.
Jul Bolinaga RIP taldeko sortzailea eta gitarrista hil da, The Potes taldearekin Bergarako Gaztetxean kontzertua ematen ari zela. Ezbeharra atzo, larunbatean, arratsaldean izan zen.
The Potes taldearekin ari zen Bolinaga emanaldia ematen, eta ‘Condenado’ abestian gitarra-jotzailea zerraldo erori zen eszenatokian.
Larrialdi zerbitzuak berehala heldu ziren Gaztetxera, lekukoen arabera, baina ezin izan zuten ezer egin eta bertan hil zen Jul Bolinaga. Epaileak gaueko hamaikak aldera egiaztatu zuen heriotza. Bolinagaren gorpua Donostiako Institutu Anatomikora eraman zuten eta autopsia egingo diote.
Jul Bolinaga The Potes taldean ari zen egun, eta Txapa irratiaren 30. urtemuga eskaintzen ari zela hil da.
