Artea
Arte Ederren Museoa
Renoirren erakusketa doan ikusi ahalko da Bilbon, asteartean
Agentziak | Erredakzioa
62.000 lagunek ikusi dute dagoeneko “Renoir: intimitatea” erakusketa, eta asteartean, apirilak 11, doakoa izango da sarrera, 10:00etatik 20:00etara.
“Renoir: intimitatea” Bilboko Arte Ederren Museoan ikusgai dagoen erakusketa doan bisitatu ahalko da asteazkenean, apirilak 11, Bilboko museotik azaldu dutenez. Gainerako aretoak, nolanahi, itxita egongo dira egun horretan.
Frantses margolari inpresionistaren lanaren erakusketa 62.000 pertsonak ikusi dute dagoeneko, otsailean zabaldu zutenetik. Guztira, 64 artelan bildu dituzte, nazioarteko bilduma eta museo askotatik jasota: Parisko Musee Marmottan Monet eta Picasso Museoa, Chicagoko Art Institute, Londresko National Gallery, New Yorkeko Metropolitan Museum of Art eta Madrilgo Thyssen-Bornemisza, besteak beste.
Guillermo Solana Thyssen-Bornemisza museoko zuzendari eta erakusketaren komisarioaren hitzetan, “Renoirren pinturak ukimen arloan dituen balioak azpimarratzen ditu Bilboko museoan paratutako sortak, baita intimitate esparruak sortu ere”.
