Frantziako Tourra: Rui Costak garaipen ederra lortu du

Erredakzioa

Azken eguneratzea: 2011/07/09 18:29 (UTC+2)

Azken kilometroetan ikuskizuna eman du tropelak. Vinokourovek astindu du lasterketa eta taldeburuak mugitu egin dira azken aldapan ikuskizun ederra eskainiz.

Whatsapp
Whatsapp
telegram
twitt
Bidali
Esteka kopiatu

Albisteak (7)

Frantziako Tourra 2011: Xehetasunak

Bideoak (2)

Galeriak (1)

Frantziako Tourra 2011, irudirik onenak

Informazio gehiago (8)

Rui&' || 'nbsp;Costa&' || 'nbsp;(Movistar) portugaldarrak irabazi du&' || 'nbsp;Frantziako&' || 'nbsp;Tourreko zortzigarren etapa eta Thor Hushovd norvegiarrak tinko jarraitzen du sailkapen nagusiaren buruan, tropelak mendiarekin izandako lehen hartuemanaren ostean.

Vinokourovek (Astana) astindu du lasterketa berezkoa duen eraso ausart batekin baina ez du saririk jaso. Lasterketako taldeburuak helmugako aldapan ere mokoka aritu dira, baina Gesink izan da denbora galdu duen bakarra, minutu bat baino gehiago galdu baitu helmugako lerroan.

Hamargarren kilometroan Christophe Riblon (AG2r), Rui Costa (Movistar), Xabier Zandio (Sky), Addy Engels (Quick Step), Tejay Van Garderen (HTC), Romain Zingle y Julien El Fares (Cofidis), Cyril Gautier (Europcar) eta Alexandr Kolobnev (Katusha) txirrindulariek ihes egin dute.

Helmugarako 27 kilometro falta zirela Rui Costa eta Van Garderen bakarrik gelditzen ziren lasterketaburuan, baina Riblonek eta Gautierrek bikotearekin bat egitea lortu dute. Tropeletik Paolo Tiralongo (Astana) abiatu da Alexandre Vinokourov taldeburua aurrera eramateko. Juan Antonio Flechak eurekin bat egin du, baina bere saiakera kamuts suertatu da.

Lasterketaburuko laukotea bere aukerak baliatzen saiatu da. Rui Costak azken mendatearen hasieran jo du erasoa, helmugatik 5,8 kilometrora. Portugaldarrak tartea zabaldu du, azkenean nahikoa izan zaion tartea. Atzean taldeburuek egindako erasoek ez dute portugaldarraren garaipena saihestu.

&' || 'nbsp;Zortzigarren etapa:

.1. Rui Alberto Costa (POR-Movistar) 4h36:46
.2. Philippe Gilbert (BEL-Omega Ph.-Lotto) + 12
.3. Cadel Evans (AUS-BMC) + 15
.4. Samuel Sánchez (ESP-Euskaltel) d.b.
.5. Peter Velits (SVK-HTC) d.b.
.6. Dries Devenyns (BEL-Quickstep) d.b.
.7. Damiano Cunego (ITA-Lampre) d.b.
.8. Alberto Contador (ESP-Saxo Bank) d.b.
.9. Andy Schleck (LUX-Leopard Trek) d.b.
10. Fränk Schleck (LUX-Leopard Trek) d.b.
11. Rigoberto Urán (COL-Sky) d.b.
16. Thor Hushovd (NOR-Garmin) d.b.

Sailkapen nagusia:

.1. Thor Hushovd (NOR-Garmin) 33h06:28
.2. Cadel Evans (AUS-BMC) + 01
.3. Frank Schleck (LUX-Leopard Trek) + 04
.4. Andreas Klöden (GER-RadioShack) + 10
.5. Jakob Fuglsang (DIN-Leopard Trek) + 12
.6. Andy Schleck (LUX-Leopard Trek) + 12
.7. Tony Martin (GER-HTC) + 13
.8. Peter Velits (SVK-HTC) + 13
.9. David Millar (GBR-Garmin) + 19
10. Philippe Gilbert (BEL-OMEGA PHARMA) + 30
...
20. Alberto Contador (ESP-Saxo Bank) + 01:42