Italiako Giroa: Bellettirentzat etapa eta Iban Mayoz, hirugarren

Recanati eta Cesenati arteko etapak 222 kilometro izan ditu eta hasieratik mugimendu ugari izan da. Dena den, eguneko ihesaldia ez da 85. kilometrora arte sortu. Orduan hainbat txirrindularik tropeletik ihes egin dute eta eguneko ihesaldia sortu da. Wyss, Bertogliati, Grivko, Claude, Kriit, Belletti, Mayoz, Meyer, Marzano, Lang, Facci, Stamsnijder, Henderson, Lewis, Horrach, Klimov eta Voss izan dira ihesaldian sartu diren txirrindulariak.

Ihesaldiko taldea ondo ulertu da eta bat eginik joan da 30. kilometrora arte. Momentu hortan 10 txirrindulari geratu dira lasterketa buruan, Iban Mayoz tarteko. Gipuzkoarra saiatu da azken kilometroetan taldetxotik ihes egiten, baina ez du lortu. Azkenean esprintean erabaki da etapa garaipena eta Belletti izan da indartsuena. Greg Henderson izan da bigarren eta Iban Mayoz gipuzkoarra, hirugarren.

Tropelak lasai hartu du gaurko etapa eta irabazlearengandik 7 minutu eta 26 segundora iritsi da. Sailakpen nagusian aldaketarik ez eta Richie Portek jarraitzen du lidergoan.

13. etapako sailkapena:

1. Manuel Belletti (Colnago) 5:27:12
2. Greg Henderson (Team Sky) d.b.
3. Iban Mayoz (Footon-Servetto-Fuji) d.b.
4. Paul Voss (Milram) d.b.
5. Sebastian Lang (Omega Pharma-Lotto) d.b.
6. Kalle Kriit (Cofidis) d.b.
7. Mathieu Claude (Bouygues) d.b.
8. Craig Lewis (Team HTC-Columbia) d.b.
9. Serguei Klimov (Team Katusha) d.b.
10. Cameron Meyer (Garmin-Transitions) d.b.

Sailkapen nagusia:

1. Richie Porte (Saxo Bank)
2. David Arroyo (Caisse d''Epargne) + 1:42
3. Robert Kiserlovski (Liquigas) + 1:56
4. Xavier Tondo (Cervélo) + 3:54
5. Valerio Agnoli (Liquigas) + 4:41
6. Alexander Efimkin (AG2R) + 5:16
7. Linus Gerdemann (Milram) + 5:34
8. Carlos Sastre (Cervélo) + 7:09
9. Laurent Didier (Saxo Bank) + 8:14
10. Bradley Wiggins (Team Sky) + 8:35

Horrela bizi izan dugu Italiako Giroko 13. etapa eitb.com-en

Sailkapen guztiak