Saskibaloia
Grezia
Olympiakos ez da aurkeztu Panathinaikosen aurkako partidara eta jaitsi egin da
Erredakzioa
Talde zuri-gorria ez da aurkeztu Greziako Ligako titulua lortzeko kanporaketako lehen partidara, eta bigarren mailara jaitsiko da.
-
Olympiakos, Baskoniaren aurkako partida baten. Argazkia: EITB
Olympiakos ez da aurkeztu Panathinaikosen aurka jokatu behar zuen Greziako ligako titulua lortzeko kanporaketako lehen partidara. Ondorioz, txapelketaren araudia jarraituz, bigarren mailara jaitsiko da talde zuri-gorria.
Epaileek Panathinaikosen alde egiten dutela adierazten du Pireoko klubak. Kopako finalerdietan, Olympiakosek uko egin zion jokatzeari, atsedenaldiaren ostean, epaileen lanagatik protesta eginez.
Datorren denboraldian Liga Adriatikoan parte hartzea eskatu du Olympiacosek. Liga horretan jokatzen dute Jugoslavia zaharreko talde garrantzitsuenek. Panathinaikosek ere eskatu du Liga Adriatikoan parte hartzea baina bi klubetako batek ere ez du erantzunik jaso, momentuz.
