Saskibaloia
Eurokopa
Lointek Gernika vs Galatasaray, partida gogorra eta garrantzisua Malosten
Erredakzioa | eitb.eus
Gernikako taldeak Turkiako taldeari irabaztea bilatuko du gaur final-hamaseirenetako aurreko playoff-eko joaneko partidan (20:00etan). Itzuliko partida urtarrilaren 10ean jokatuko da Istanbulen.
-
Naiara Diez. Argazkia: EFE
Lointek Gernika Bizkaiak Galatasayren aurka jokatuko du bihar, 20:00etan, Eurokopako final-hamaseirenetako aurreko playoff-aren joaneko partida Malosten. Itzuliko partida urtarrilaren 10ean jokatuko da Istanbulen.
Lointek Gernikak, nahiz eta Mann Filter Casablanca taldearen aurkako garaipenarekin 2018. urteari amaiera eman, Dia Ligako lehenengo hiru porrotak jasan ditu 2018ko abenduan.
Bestalde, Turkiako taldea, nahiz eta denboraldi honetan Eurokopa jokatu, Euroligako talde ohikoenetarikoa da. Gainera, 2014an txapelketa hau irabazi zuen.
Eurokopari dagokionez, Galatasarayk 5 partida irabazi ditu Eurokopako multzoetan eta B multzoko lehenengo postuan sailkatu da.
Partida zaila baina historikoa izango da Lointek Gernika Bizkaiak jokatuko duena, 20:00etan, Maloste kiroldegian. ETB-4n eta eitb.eus-en, ikusgai.
