Saskibaloia
2-0
Real Madrilek eta Barçak aurrea hartu dute finalerdietan
Erredakzioa
Pablo Lasoren taldea nagusitu da Unicajaren aurkako bigarren partidan (89-87), eta Barçak ere garaipena lortu zuen larunbatean Valentzia Basketen kontra (59-60).
Real Madril 2-0 kokatu da Unicajaren aurkako finalerdietan, bigarren partida 89-87 markagailuarekin irabazita. Felipe Reyes eta Rudy Fernandez erabakigarriak izan dira.
Partida ondo hasi dute Pablo Lasoren gizonek, baina sufritzen bukatu dute. Berehala aurretik jarri dira zuriak (11-4, 3. minutuan), baina markagailua azken jokaldietan estutu da, eta amaierarako 26 segundoren faltan 87-86koa zen.
"Chacho"k ez du jaurtiketa libreetatik kale egin (89-86), eta Grangerrek bitik bat baino ez du asmatu. 89-87, eta 6.7 segundo norgehiagoka bukatzeko. Reyesek aldea handitzeko aukera izan du, baina ez du lortu. Granger balentria lortzen saiatu da azken jaurtiketa batean, baina baloia ez da sartu.
Fitxa teknikoa:
89 - Real Madril (22+22+26+19): Rudy Fernandez (18), Mirotic (5), Carroll (14), Llull (17) eta Bourousis (10) -hasierako boskotea-, Darden (3), Rodriguez (7), Slaughter eta Reyes (15).
87 - Unicaja (26+22+18+21): Suarez (16), Granger (18), Vazquez (18), Toolson (11) eta Caner-Medley (7) -hasierako boskotea-, Urtasun (5), Calloway (2), Kuzminskas, Hettsheimeir (2), Vidal (2) eta Stimac (6).
Barça, finaletik hurbil
Ante Tomicen saskiratzeak eman zion Bartzelonari garaipena (59-60) Valentzia Basketen aurka jokatutako finalerdietako bigarren neurketan. Katalanek eskura dute finalerako txartela, hurrengo bi partidak etxean jokatuko baitituzte.
Fitxa teknikoa:
59 - Valentzia Basket (22+9+12+16): Van Rossom (13), Rafa Martinez (9), Sato (2), Doellman (16), Lishchuk (5) -hasierako boskotea- Triguero (4), Ribas (-), Lucic (4), eta Lafayette (6)
60 - FC Bartzelona (12+16+18+14): Huertas (11), Oleson (3), Papanikolaou (8), Nachbar (-), Tomic (9) -hasierako boskotea- Dorsey (2), Sada (3), Abrines (3), Navarro (8), Lorbek (9) eta Lampe (4).
