Caja Laboralek ez du kale egin Buesa Arenan

Caja Laboral Baskoniak 71-65 irabazi dio UCAM Murtziari Buesa Arenan eta horrenbestez, iragan astean Manresan jasotako porrota ahaztu dute arabarrek.

Hasieran nagusi izan da etxeko taldea. Defentsan sendo ibili dira Caja Laboraleko jokalariak eta erasoan ere asmatu egin dute. UCAM Murtziari kosta egin zaio partidan sartzea, baina ondoren puntuak lortzen hasi da. Lehen hamar minutuak Baskoniaren aldeko 29-19ko emaitzarekin bukatu dira (29-19).

Bigarren laurdenean gauzak aldatu egin dira. UCAM Murtziak asko hobetu du. Defentsa gogorragoari esker eta, erasoan asko hobetu dutelako aldeak murriztea lortu dute murtziarrek. Atsedenaldirako minutu eta 40 segundo falta zirenean partida berdindu du Murtziak (35-35). Azken minutuan, ordea, Baskoniaren erantzuna etorri zen eta bi saskiratze lortuta, lau puntuko abantaila eskuaratu du talde arabarrak norgehiagoka atsedenaldira irsitean (39-35).

Parekotasuna izan da nagusi hirugarren laurdenaren hasieran, baina minutuak aurrera joan ahala, Baskonia aldeak lortzen hasi zen (48-40), baina jarraian Murtziaren erreakzioa etorri da eta lau puntura gerturatu dira (54-50). Laurden honetako azken txanpan, Caja Laboralek bere kalitatea erakutsi du eta, zortzi puntuko abantaila eskuratu ere (62-54).

Azken laurdenari ondo ekin dio Baskoniak, baina UCAM Murtziaren erantzuna azkar etorri da eta, murtziarrak bi puntura gerturatu dira (65-63) partida amaitzeko hiru minutu falta izan direnean. Laurdeneko azken minutuetan, berriro ere, Caja Laboral nagusitu da; batipat Lamperen defentsako eta erasoko lanari ezker. Azkenean, 71-65eko emaitzarekin bukatu da norgehiagoka eta Caja Laboral Baskoniak eskuratu du garaipena.

Fitxa teknikoa:

71 - Caja Laboral (29+10+23+9): Prigioni (2), Oleson (24), Nocioni (6), Teletovic (10), Lampe (20)-hasierako bostekoa-, Ribas (3), M. Bjelica (4), Oleson (24), Heurtel (2), San Emeterio, N. Bjelica

65 - UCAM Murtzia (19+16+19+11): Franch (6), Grimau (9), Barlow (9), Udoka (13), Augustine (9)-hasierako bostekoa-, Miso (11), Jasen, Sekulic (8), Rejón.

Epaileak: Hierrezuelo, Peruga, Calatrava.