Gipuzkoa Basket
Endesa Liga
Lagun Aro-Barcelona Regal (56-71): GBCren partida ona eta porrota
Erredakzioa
Etxeko taldeak norgehiagoka ona jokatu du, baina Barça hobeto aritu da azken laurdenean eta hortxe lortu du erabakiorra izan den abantaila.
-
Lagun Arok 56-71 galdu du Bartzelona Regalen aurka. Argazkia: EFE
Lagun Aro GBCk galdu egin zuen Bartzelonaren aurka Donostian, baina partida ona jokatu dute gipuzkoarrek. Azken laurdenean hartu du aldea Bartzelonak eta hortxe eskuratu du garaipena 56-71eko emaitzarekin.
Indartsu hasi zuen partida Reagal Bartzelonak Donostian. Xavi Pascualek zuzentzen duen taldeari kosta egin zitzaion aldeak hartzen hastea, baina bosgarren minututik aurrera zuloa ireki zuten markagailuan (9-17). Lagun Arok errreakzionatu egin zuen laurdeneko azken txanpan eta hiru puntura murriztu zuten desabantaila gipuzkoarrek lehen hamar minutuen amaieran (16-19).
Etxeko taldea motibazio handiarekin iritsi zen bigarren laurdenaren hasierara, baina laurden honetan erabat nagusi izan zen Regal Bartzelona. Gipuzkoa Basketi asko kosta zitzaion Barçaren defentsari min ematea eta horren ondorioz talde katalanak 11 puntuko aldea lortu zuen atsedenaldira iristean (33-44).
Atsedenalditik bueltan Lagun Arok erreakzionatu eta desabantaila 11 puntutik 7ra murriztu zuten (40-47). Barçak, ordea, beste tirakada bat eman zuen eta berriro aldea hartu zuen markagailuan (45-55). Orduan, gipuzkoarren beste erreakzio bat izan zuten eta sei puntuko desabantailarekin bukatu zuten hirugarren laurdena (49-55).
Azken laurdena intentsitate handikoa izan zenipuzkoa Basket saiatu da aldeak murriztu eta garaipena eskuratzen, baina ezin izan zuten. Lagun Aro bost puntura gerturatu da (56-61), baina Bartzelonak ez du kale egin saski aurrean eta alde erabakiorra lortu du. Azken emaitza 56-71eko izan da eta garaipena Bartzelona aldera joan da.
Fitxa teknikoa:
56.- Lagun Aro GBC (16+17+16+7): Neto (8), Papamakarios (5), Vidal (2), Panko (20) eta Betts (2)- hasierako bostekoa-; Doblas (7), Baron (5) Ogide (2) eta Salgado (5).
71.- FC Barcelona Regal (19+24+12+16): Huertas (12), Perovic (7), Lorbek (5), Eidson (12) eta Mickeal (17) –hasierako bostekoa-; Vázquez (2), Wallace (2), Sada (4), Ingles (10) eta Rabaseda.
Partzialak: 16-19; 33-43 (atsedenaldia); 49-55; 56-71 (amaiera).
