Bilbao Basket
Merkatua
Fran Pilepic datozen hiru denboraldietarako fitxatu du Gescrapek
Erredakzioa
Kroaziako eskoltak Bosniako Siroki taldean jokatu du orain arte. Pilepicek hiruko jaurtiketa bikaina du. Talde bilbotarrak jokalaria behar du Janis Blumsek Lietuvos Rytasera alde egin eta gero.
-
Fran Pilepic, Gescrapen fitxaketa. Argazkia: www.adriaticbasket.info
Pilepicek jaurtiketa bikaina du eta talde bilbotarrak horrelako jokalari bat behar du Janis Blumsek Lietuvos Rytasera alde egin eta gero. Orain arte Bosniako Siroki taldean jokatu du kroaziarrak. Gainera, antolatzaile gisa joka dezake, beharrezkoa baldin bada.
Adriatikoko Ligan ustekabe nagusia izan zen Pilepic iragan denboraldian. Bosniako Siroki taldearekin batez beste 14.8 puntu sartu, 2.2 errebote eskuratu eta 2.3 asistentzia eman ditu partida bakoitzeko.
Esan bezala, Pilepic jaurtitzaile bikaina da; izan ere, hiruko marratik saiakeren % 42 asmatu zituen iaz. Kroaziako selekzioarekin laster debuta egingo du eskoltak.
