Kanaria Handia-Bilbao Basket (77-71): Laugarren porrota jarraian

Bizkaia Bilbao Basketek ezin izan du garaipena eskuratu Kanaria Handiaren aurka. Atsedenaldiaren ostean talde beltzak gaizki jokatu du erasoan eta horiek erraz kontrolatu dute markagailua.

Bilbao Basket markagailuan goitik jarri da lehenengo laurdenean (2-6), baina talde horiak saskiraketa errazak eskuratu dite 11-8koa jartzeko. Pedro Martinezen mutilek defentsa gogortu egin dute eta Bilboko taldeak ezin izan dite saskiraketak lortu. Hala ere, Aaron Jacksonek hiruko erabakigarria lortu du aurreneko laurdena 13-14 markagailuan goitik jartzeko.

Bigarren laurdenean Raul Lopezek bi hiruko garrantzitsu lortu ditu jarraian, baina Nelsonek eta Haynesek erantzuna eman dute eta partida berdintzea lortu dute Kanaria Handiko jokalariek (26-26). Bi taldeak sendo egon dira defentsan eta etxeko taldeak 32-31koa jarri du atsedenladira abantailarekin joateko.

Kanaria Handiak partidan nagustiasun handiagoa erakutsi du atsedenaldia eta gero eta Xavi Rey jokalariak erraz agindu du taul azpian (42-33). Bilbao taldeak akats larriak egin ditu erasoan eta Grimau eta Banic izan dira puntuak lortu dituzten bakarrak. Pedro Martinezen mutilek 49-44koa jarri dute markagailuan azkenengo laurdena hasi baino lehen.

Azkenengo laurdenean Katsikarisen taldeak bere aurpegirik txarrena erakutsi du eta talde horiak partida erabakita utzi du (63-48). Hirukoekin markagailuan hurbiltzen saiatu dira bizkaitarrak, baina Kanariako taldeak ondo eutsi du defentsan eta garaipena Las Palmasen gelditu da (77-71).

Fitxa teknikoa:

77. Kanaria Handia 2014 (13+19+17+28): Palacios (11), Bellas (3), Beiran (9), Haynes (15) eta Rey (6) -hasierako bostekoa-, Nelson (6), Green (10), Martinez (8), Savane (-), Bramos (3) eta Ekperigin (6).

71. Bizkaia Bilbao Basket (14+17+13+27): Jackson (9), Banic (17), Fischer (6), Vasileiadis (7), Grimau (10) -hasierako bostekoa- Fisher (-), Mavroeidis (3), Mumbru (10), Lopez (6) eta Blums (3).