Bilbao Basket-UCAM Murcia: Europako porrota atzean laga nahian

Fotis Katsikarisen mutilek Nancyren kantxan azken hiru minutuetan zigor latza pairatu zuten. Taldeak ez zituen behar bezalako baliabide eta bizitasuna erakutsi eta Nicolas Batum, frantziarren izarra, ezin izan zuten gelditu.

Luis Guilen kontra, Katsikarisek Axel Hervelle eta Mavroeidisen fitxak aktibatuko ditu. Bi jokalariak sasoiko daudela erakutsi zuten Nancyren aurka eta entrenatzaileak errotazioetan sartuko ditu Tomas Hampl eta Oliver Stevicen postuetan.

Murtziako taldeak ez du garaipenik lortu Bilbora etorri den lau bisitaldietan. ‘Beltzezko gizonek’ test moduan hartzen dute neurketa, azken porrotei erantzuteko gai direla frogatu nahi dute eta Palau Blaugrana baino lehenagoko jokora itzuli.

Batzelonaren aurkako norgehiagokan Bizkaia Bilbao Basketek ez zuen bere irudirik onena eskaini. Aurkariaren indarraz aparte, bilbotarrak fisikoki ahituta zeuden, 48 ordu baino gutxiagotan Olypiacosen kontra Euroligako lehen neurketa jokatu baitzuten.