Buruz Burukoa
18-22
Idoatek finalerdietarako txartela lortu du Asier Olaizolari irabazita
Erredakzioa
Txantreako pilotariak 18-22ko emaitzarekin irabazi dio Goizuetakoari eta hurrengo partida Xala-Martinrez de Irujo partidako irabazlearen aurka jokatuko du.
-
Mikel Idoatek 18-22 irabazi dio Olaizola I.ari eta finalerdietarako sailkatu da. Argazkia: EITB
Mikel Idoatek Buruz Buruko txapelketako finalerdietarako txartela lortu du Asier Olaizolari 18-22 irabazita. Labrit pilotalekuan jokatu da final-laurdenetako norgehiagoka hau.
Idoate finalerdietan da jada eta bere aurkaria Xala-Martinez de Irujo partida irabazten duena izango da. 4-0 galtzen hasi zen Idoate, baina Txantreakoak markagailua iraultzea lortu zuen eta aurrea hartu zuen (4-9). Orduan, Asier Olaizolak momentu txarra pasa zuen, baina Idoate 9-16 aurretik jarri zenean, Goizuetakoak erreakzionatu eta markagailua estutu zuen (15-16).
Partidako azken uneetan ondo jokatu zuen Idoatek, presioari eutsi zion eta azkenean, 18-22 irabazi zuen.
