Buruz Burukoa
MAIATZAREN 27AN
2018ko Eskuz Banakako finalerako sarrerak 30 eta 140 euro bitartean
EITB.EUS
Finalean Aimar Olaizola eta Jokin Altunak neurtuko dituzte indarrak, asteburu honetan Danel Elezkano eta Joseba Ezkurdia kaleratu ostean, hurrenez hurren.
-
Bizkaia frontoiak hartuko du 2018ko Eskuz Banakako finala. Argazkia: EFE
Bilboko Bizkaia Frontoiak hartuko du maiatzaren 27an 2018ko Eskuz Banakako finala, Olaizola II.ak eta Altuna III.ak elkarren artean jokatuko dutena. Asteburu honetan gainditu dituzte aipatu bi pilotariek euren finalerdietako kanporaketak, Danel Elezkanoren (22-13) eta Joseba Ezkurdiaren (22-17) aurka, hurrenez hurren.
Behin finalistak zein izango diren ezagututa, astelehen honetan finala ikusteko sarreren prezioak jakinarazi dituzte. Merkeenek 30 euro balio dituzte eta garestienek, berriz, 140 euro.
Sarreren prezioak:
Kantxako eserlekua (ilara: 1.a; eserlekuak: 21.etik 40.era): 110 euro
Kantxako eserlekua (ilarak: 1.etik 15.era; eserlekuak: 1.etik 20.era eta 41.etik 72.era): 110 euro
Kantxako eserlekua (ilarak: 2.etik 15.era; eserlekuak 21.etik 40.era): 140 euro
Hegaleko bigarren solairua: 80 euro
Hegaleko hirugarren solairua: 30 euro
Kantxako errebotea: 40 euro
Bigarren errebotea: 40 euro
Hirugarren errebotea: 40 euro
