Binakakoa
Aurkezpena
Binakako Txapelketa: Irujo-Barriola eta Olaizola II-Beroiz, faboritoak
Erredakzioa
Aspetik Xala-Laskurain, Lasa-Zubieta, Irujo-Barriola eta Titin-Merino II bikoteak arituko dira eta Asegarcetik Arretxe II-Begino, Bengoetxea-Apraiz, Berasaluze VIII-Albisu eta Olaizola II-Beroiz.
Gaur 2012ko Binakako Txapelketa aurkeztu da Bilboko Basque Tour-eko egoitzan (Urkijo Zumardia 36 zenbakian, (Plaza Bizkaiaren ondoan). Ekitaldian pilotari partehartzaile, Pilar ZorrillaTurismo eta Merkataritzako Sailburua eta enpresetako ordezkariak izan dira.
Aspetik: Xala-Laskurain, Aritz Lasa-Zubieta, Irujo-Barriola eta Titin III-Merino II.
Asegarcetik: Arretxe II-Begino, Bengoetxea VI-Apraiz, Berasaluze VIII-Albisu eta Olaizola II-Beroiz.
Ostiral honetan Berasaluze VIII-Albisu eta Olaizola II-Beroiz bikoteek aurreneko partida jokatuko dute, Sestaon. Larunbatean, Iruñean Titin III-Merino II Irujo-Barriolaren aurka. Astelehenean, Tolosan, Xala-Laskurain Aritz Lasa-Zubietaren aurka.
Atzerapenik ezean apirilaren 29an jokatuko da finala, Bilbon. Txapelketa luzea izango da. Txapeladunek 18 partida jokatuko dituzte guztira: 14 lehen fasean, 3 finalerdietan eta final handia. Aurten elkarren aurka arituko dira bikote guztiak itzuli bitan. Azpimarratu beharreko da partida bat Bartzelonan joka daitekeela.
