Bilboko Mastersa: Checa, Fornell eta Vivanco, aurrera

Erredakzioa

Azken eguneratzea: 2011/12/15 09:48 (UTC+1)

Andoni Vivanco tenislari bilbotarrak Checaren aurka galdu egin du, baina Javier Marti lesionatu egin da eta finalerdietarako sailkatu dute antolatzaileek.

Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (1)

Bilboko Mastersa: Jose Checa eta Andoni Vivanco, aurrera

Marc Fornell katalanak eta Cuencako Jose Checak finalerdietarako txartela eskuratu dute Bilboko Masterseko aurreneko fasean. Andoni Vivanco bizkaitarra ere finalerdietan izango da Javier Marti lesionatu egin baita.

Vivancok 6-4 eta 7-5 galdu zuen Checaren aurka, baina biek aurrera egin dute aurreneko fasean. Bilboko tenislariak Fornellen aurka jokatuko du finalerdia. Alacanteko Sergio Gutierrez gainditu zuen Fornellek partida ikusgarri batean (6-4, 5-7 eta 6-3).

Checa, Guillermo Olaso bilbotarraren aurka arituko da beste finalerdian. Olasok, antolakuntzak gonbidatuta jokatuko du lehenengo faseko azkeneko norgehiagoka.