Txapeldunen Liga
Champions League
Bartzelona-Milan, (2-2): Ezustekoa eman dute italiarrek Camp Noun
A.B.
Erredakzioa
Valentziak golik gabe berdindu du Genken aurka. Apoelek, Chelseak, Portok eta Olympique Marsellak garaipenak lortu dituzte. Plzen-Bate eta Dortmund-Arsenal partidak berdinduta bukatu dira.
Txapeldunen Ligako multzoen fasea astearte honetan hasi da eta E, F, G eta H multzoetako taldeak aritu dira lehian. Guztira zortzi partida eta 16 gol jardunaldi honetan.
H multzoan partida erakargarria jokatu zuten Bartzelonak eta Milanek. Italiarrak hasi ziren 0-1 irabazten Patok lehen minutuan sartutako golari esker. Lehen zatia amaitu orduko, aldiz, Barçak partida berdindu zuen Pedritoren golari esker. Bigarren zatian nagusi izan zen talde katalana eta Villak faltaz sartutako gol batek Barça aurreratu zuen markagailuan (2-1). Azken minutuan Thiago Silvak sartutako golak berdinketa eman zion Milani. Partida 2-2ko emaitzarekin bukatu zen. Multzo honetan dena berdinduta dago Plzenek eta Batek 1-1 berdindu baitzuten.
Golik gabe geratu zen partida bakarra E multzoan jokatu da. Genkek eta Valentziak 0-0 berdindu baitzuten. Norgehiagoka kaskarra burutu zuten Emeryren mutilek eta berdinketarekin ekin diote Txapeldunen Ligari. Multzo honetako liderra Chelsea da Bayer Leverkuseni 2-0 irabazi baitzion etxean David Luizen eta Juan Mataren golei esker.
F multzoan Olympique Marsella da liderra 0-1 irabazi baitzion Olympiakosi. Lucho Gonzalez izan zen golegilea eta Valverderen, Yesteren eta Orbaizen taldeak porrotarekin ekin dio txapelketari. F multzoko beste partidan Dortmundek eta Arsenalek 1-1 berdindu zuten.
Azkenik, Porto eta Apoel dira G multzoko liderrak. Portugaldarrek 2-1 irabazi zioten Shakthar Donetski eta Apoelek emaitza berarekin (2-1) irabazi zion Zeniti.
E, F, G eta H multzoetako partidetako emaitzak:
FC Porto 2- FC Shakhtar Donetsk 1
Apoel FC 2- FC Zenit 1
FC Viktoria Plzen 1- FC BATE Borisov 1
KRC Genk 0- Valencia CF 0
Olympiacos FC 0- Olympique de Marseille 1
Borussia Dortmund 1- Arsenal FC 1
FC Barcelona 2- AC Milan 2
Chelsea FC 2- Bayer 04 Leverkusen 0
