Txapeldunen Liga
Final-laurdenak gaindituta
Txapeldunen Liga: Bartzelona eta Manchester United, finalerdietan
A.B.
Erredakzioa
Katalanek 0-1 irabazi diote Shakhtarri eta joanekoan garaipena lortu zuten 5-1eko emaitzarekin. Bestalde, deabru gorriek Chleseari 2-1 irabazi diote eta joanekoan 0-1ekoarekin lortu zuten garaipena.
Barçak 0-1 irabazi dio Shakhtarri Ukrainan jokatutako itzulerako partida. Joanekoan 5-1 irabazi zuten Guardiolaren mutilek eta guztira 6-1eko emaitzarekin gainditu dute kanporaketa. Itzulerako partidan Lionel Messi izan da golegile.
Beste norgehiagoka derbi ingelesa izan da Manchester Uniteden eta Chelsearen artean. Joaneko kanporaketan 0-1 irabazi zuen Manchesterrek eta itzulerakoan berriro ''deabru gorriek'' irabazi dute, oraingoan 2-1eko emaitzarekin. Chicharito Hernandezek sartu du 1-0ekoa. Bigarren zatian Drogbak partida berdindu du Chelsearen gola sartuta, baina lasterrean Parken golari esker norgehiagoka erabakita utzi du Unitedek.
Bartzelonaren finalerdietako aukaria Real Madril-Tottenham kanporaketa irabazten duena izango da. Manchester Unitedena, aldiz, Schalke 04 eta Internazionaleren arteko kanporaketatik aterako da.
