Reala-Zaragoza, (2-1): Azken orduko garaipena eta salbazioa, oso gertu

Partida berdindua izan da, baina Realak markagailuan aurrea hartzea lortu du. Tamudok sartu du 1-0ekoa 24. minutuan. Gola hartu eta gero Zaragozaren erreakzioa etorri da. Uchek gola sartu du, baina epaileak balio gabe utzi du gola jokoz kanpoko posizioagatik. Kale egin zuen epaileak Zaragozako jokalaria ez baitzegoen jokoz kanpoko posizioan. Dena den, abantailarekin iritsi zen Reala atsedenaldira (1-0).

Bigarren zatia hasi eta lasterrean Zaragozak 1-1ekoa sartu du. Gabi izan da golegilea. Gol bikaina sartu du Zaragozako erdilariak falta jaurtiketa baten bitartez. Gol horrek indarra eman zion Zaragozari eta gol aukera onak izan zituen talde mañoak. Realak gogotik sufritu zuen, baina 89. minutuan, Aranburuk area kanpotik jaurtiketa egin du, baloiak defentsa batengan jo eta sare barrura sartu da. 2-1ekoa izan da eta emaitza horrekin bukatu da partida. Garaipen honek ia bermatuta uzten du Realaren salbazioa.

Fitxa teknikoa:

2 - Reala: Bravo; Carlos Martinez, Ansotegi, Demidov, De la Bella; Rivas (Bergara, min. 74), Aranburu, Xabi Prieto, Zurutuza (Sutil, min. 65), Griezmann; Tamudo (Diego Ifran, min. 74).

1 - Real Zaragoza: Toni Doblas (Leo Franco, min. 65); Lanzaro (Sinama Pongolle, min. 88), Jarosik, Da Silva, Paredes; Ponzio, Nico Bertolo (Boutahar, min. 46), Gabi, Ander Herrera; Lafita eta Uche.

Epailea: Alvarez Izquierdo.
Golak: 1-0, min. 24: Tamudo. 1-1, min. 53: Gabi. 2-1, min. 88: Aranburu.