Reala
Igandean, 18:30ean
Realak bolada onean jarraitu nahi du Atletico Madrili irabazita
Erredakzioa
Talde txuri-urdinak Anoetan jokatuko du igandean, 18:30ean talde koltxoneroaren aurka. Theo eta Willian Jose itzuliko dira, partida bateko zigorra bete ostean.
-
Willian Jose, Atletico Madrili sartutako gol bat ospatzen. Argazkia: EFE
Realak Atletico Madril izango du aurkari igandean, 18:30ean, Anoetan. Talde txuri-urdinak ez du porrotik jaso Imanol Alguacilek entrentzaile kargua hartu duenetik, eta Europarako postuen lehian jarraitu nahi du.
Neurketa honetarako, Theo Hernandez eta Willian Jose jokatzeko prest izango ditu Imanolek. Biak hamaikakora itzuliko dira gainera. Asier Illarramendik sendatze-prozesuarekin jarraitzen du, eta ia bi hilabete eman beharko ditu zelaietatik at.
Atletico Madrilek bigarren postua indartu nahi du. Diego Costa, Kalinic eta Lucas Hernandez ez ditu jokatzeko prest izango Diego Pablo Simeone entrenatzaileak.
