Reala
Larunbatean, 16:15ean
Realak etekina atera nahi dio Valentziaren krisiari Anoetan
Agentziak | Erredakzioa
David Zurutuza deialdian sartu du Eusebiok, aurreko astean izandako arazo fisikoak gainditu ostean.
-
Zurutuzak aurreko asteko arazo fisikoak gainditu ditu. Argazkia: Efe.
Realak Valentzia hartuko du larunbatean Anoetan, etxean duen bolada onari eutsi nahian. Willian Jose donostiarren aurrelaria, gainera, sasoiko da eta erraztasuna izaten ari da golak sartzerako orduan. Willian Josek Anoetan jokatu duten zazpi aurkaritik bosti sartu die golen bat, azken biak Atletico Madrili eta Bartzelonari. Bi taldeak galtzaile atera ziren Donostiatik.
Valentziarrei dagokienez, Prandellik zuzentzen duen taldea krisian murgilduta dago.
Realak abuztuan galdu zuen azken aldiz Anoetan, 0-3 Real Madrilen aurka, eta joko oso ona egin du ia neurketa guztietan.
David Zurutuza deialdian sartu da, Eusebioren lasaitasunerako, jokalari erabakigarria izan delako gipuzkoarrek lortutako garaipenetan. Erdilariak ez zuen Deporren aurka jokatu (5-1).
Ustezko hamaikakoak:
Reala: Rulli; Carlos Martínez, Iñigo Martínez, Navas, Yuri; Illarramendi, Zurutuza, Xabi Prieto; Vela, Oyarzabal eta Willian José.
Valentzia: Diego Alves, Cancelo, Santos, Abdennour, Mangala, Montoya, Mario Suárez, Parejo, Medrán, Munir eta Rodrigo.
Epailea: Estrada Fernández (Kataluniako batzordekoa).
Estadioa: Anoeta
Ordua: 16:15ean.
t="utf-8">¿ @valenciacf hartzeko zerrenda (larunbata, 16:15) #RealSociedad pic.twitter.com/SXEShLEyD3
— Real Sociedad Fútbol (@RealSociedadEUS) 9 de diciembre de 2016
