Erremate gutxien egiten duen taldea da Reala

Realak aurten diru asko inbertitu du fitxaketetan. Batez ere, aurrelarien postua indartu nahi izan du Juanmi Jimenez eta Willian Jose brasildarraren fitxaketekin.

Eusebio entrenatzaileak momentuz ez du nahi zuen helburua lortu, talde txuri-urdina LaLiga Santanderrean erremate gutxien egiten duen taldea baita.

Real Madril, Osasuna eta Espanyol taldeen aurka, nahiz eta partida bakarra galdu (zurien kontra), arrisku gutxi sortu zuen Realak eta datuek hori baieztatu egin dute orain.

Sailkapen horretan onena Real Madril (59), Valentzia (45) eta Bartzelona (43) dira.