Futbola
FITXAKETA
Iñigo Velez izango da Lugoko entrenatzaile berria
AGENTZIAK | EITB MEDIA
Entrenatzaile gasteiztarrak Joan Carrillo ordezkatuko du Galiziako taldearen aulkian. Carrillok bost partidatan zuzendu du talde zuri-gorria garaipenik lortu gabe.
-
Iñigo Vélez de Mendizabal
Lugok astearte honetan jakinarazi duenez, Iñigo Velez de Mendizabal izango da taldeko entrenatzaile berria hemendik aurrera. Galiziako taldea SmartBank Ligako azken tokian dago sailkatuta, salbaziotik hamabi puntura.
Lugok azpimarratu du azken denboraldietan "gehien nabarmendu" den entrenatzaile gazteetako bat dela, eta gogorarazi du "igoera historikoa" lortu zuela Amorebietarekin 2020-21 denboraldian zilarrezko mailara.
Horrez gain, futbolari gisa "Eibarren, Athletic Cluben edo Numantzian" egindako egindako ibilbidea" azpimarratu du taldeak.
¿|OFICIAL|¿
— Club Deportivo Lugo (@CDeportivoLugo) March 7, 2023
¿Íñigo Vélez, novo adestrador do #CDLugo!
¿¿https://t.co/msWWfW5jeq #BenvidoÍñigo#ForzaLugo #AcostumadosALoitar pic.twitter.com/dd5O2OhwFe
Entrenatzaile gasteiztarrak Joan Carrillo ordezkatuko du Galiziako taldearen aulkian. Carrillok bost partidatan zuzendu du talde zuri-gorria garaipenik lortu gabe: bi lehia berdindu eta beste hiru galdu zituen.
