Futbola
Gniewino (Polonia)
Xabi Alonso: 'Eurokopa irabazteko presioa onartzen dugu'
Erredakzioa
"Ehun partidak jokatu izanarekin pozik" azaldu da erdilari gipuzkoarra, "hasten zarenean neurketa kopuru hori oso urrun ikusten duzulako. Bi golekin ospatzeko aukera baduzu, hobeto".
Albisteak (1)
Taldeak Polonia eta Ukrainako Eurokopa irabazteko "presioa" onartu duela azaldu du gaur Xabi Alonso Espainiako selekzioaren erdilariak. Taldeak "erantzukizuna" bere gain hartu duela erantsi du. Portugaleko "erasoaren indarraz eta arriskuaz" ohartarazi du Alonsok.
"Gure buruari exijitzen diogu, presioa eta erantzukizuna onartzen ditugu. Ez dugu beste aukerarik, horrekin bizi behar dugu, logikoa edo zentzugabea izan ala ez. Finalerdietan izatearekin pozik nago, orain lau urte lortutako sailkapena baino gutxiago baloratzen bada ere. Ez dakit logika handirik duen", gogoeta egin du Alonsok.
Frantziaren aurkako partidan, iragan larunbatean, internazional gisa ehun neurketa bete zituen jokalari tolosarrak. "Unea pasa da jadanik. Ez diot buelta gehiegirik eman", adierazi du. "Ehun partidak jokatu izanarekin pozik" azaldu da erdilari gipuzkoarra, "hasten zarenean neurketa kopuru hori oso urrun ikusten duzulako. Bi golekin ospatzeko aukera baduzu, hobeto".
