Futbola
Errege Kopa
Mirandes-Espanyol (2-1): Garaipen historikoa Pousoren mutilentzat
Erredakzioa
Cesar Caneda jokalariak sartu zuen garaipenaren gola bigarren zatiko 47. minutuan. Burgoseko taldea finalerdietan dago eta aurkaria Mallorca-Athletic kanporaketako irabazlea izango da.
Fitxa teknikoa:
2 - CD Mirandes: Nauzet; Garmendia, Caneda, Corral, Raul Garcia; Martins, Garro (Lambarri, 57. minutuan); Iribas (Muneta, 73. minutuan), Mujika (Borrell, 68. minutuan), Pablo Infante; eta Alain.
1 - Espanyol: Casilla; Galan, R. Rodriguez, Moreno, Didac; Baena, Forlin; Weiss (J. Lopez, 88. minutuan), Albin (Thievy, 63. minutuan), Romaric (Verdu, 73. minutuan); eta Rui Fonte.
Golak: 0-1, 46. minutuan: Rui Fonte; 1-1, 58. minutuan: Pablo Infante; 2-1, 90+2. minutuan: Caneda.
Cesar Canedak eskuratu zuen 2-1ekoa. Espanyolek markagailuan aurrea hartu zuen Rui Fonteren golari esker, baina Pablo Infantek 1-1ekoa jarri zuen. Neurketa intentsitate handikoa izan zen eta Mirandesek erasokor jokatu zituen 90 minutuak. Norgehiagokako azkeneko minutuan Cesar Canedak azken 2-1ekoa lortu zuen erremate bati esker.
Burgoseko taldeak Lehenengo Mailako hiru talde kanporatu ditu Errege Kopatik eta Figuerasek 2002an lortu zuen bezala, historiara pasatuko da, Bigarren B Mailako taldea izanik, finalerdiak jokatuko baititu Mallorca-Athletic kanporaketako irabazlearen kontra.
