Futbola
Santander Liga
Espanyolek Abelardo kargugabetu du eta Rufetek zuzenduko du taldea Liga amaitu arte
Erredakzioa
Abelardo entrenatzaile kargutik kenduta, talde kataluniarrak denboraldi honetan hiru teknikari kargugabetu ditu.
-
Abelardo Fernandez, osteguneko Betis - Espanyol partidan. Argazkia: EFE
Espanyolek Abelardo Fernandez entrenatzailea kargugabetu du larunbat honetan. Rufete klubeko kirol zuzendariak zuzenduko du taldea denboraldi amaierara arte, Espanyolek jakinarazi duenez.
Lehen taldeak eskaini duen kirol-maila kaskarragatik eta mailari eusteko borondatearekin hartu duela erabakia adierazi du klub kataluniarrak ohar ofizialaren bidez.
Denboraldi honetan hiru entrenatzaile kargugabetu ditu Espanyolek: David Gallego, Pablo Machin eta Abelardo Fernandez. Gaur egun, Espanyol da Santander Ligako azken sailkatua.
