Alemaniak Espainiari irabazi dio, Frantziak Norvegiari eta Nigeriak Hego Koreari

Asteazkenean ekin zion bigarren jardunaldiari 2019ko Munduko Kopak, A multzoko bi partidarekin eta B multzoko beste neurketa batekin. Bigarren jardunaldiaren hasiera honetan, ez da ezustekorik egon.

A multzoan, Frantziak 2-1eko emaitzarekin irabazi zion Norvegiari, eta, multzoko beste partidan, Nigeriak 2-0 menderatu zuen Hego Korea. Emaitza horien ondorioz, Frantzia da multzoko liderra (6 puntu), Norvegia dago bigarren (3 puntu), Nigeria hirugarren (3 puntu) eta Hego Korea da azkena (0 puntu).

Alemania garaile, Espainiaren aurka

B multzoan, Alemaniak 1-0eko emaitzarekin irabazi zion Espainiari, Däbritzek 42. minutuan sartutako golari esker. Espainiak partida ona jokatu zuen, baina ez zen gola sartzeko gai izan. Irene Paredesek eta Nahikari Garciak hasieratik jokatu zuten; Lucia Garcia, ordea, 59. minutuan zelairatu zen.

Ondorioz, Alemania da multzoko liderra, 6 punturekin, eta Espainia dago bigarren, 3 punturekin. Txinak eta Hegoafrikak porrotak jaso zituzten lehen jardunaldian, eta ostegun honetan jokatuko dute bigarren jardunaldiko neurketa.

Fitxa teknikoa:

1 - Alemania: Almuth Schult; Kathrin Hendrich (Klara Buehl, 46. min), Marina Hegering, Lena Oberdorf (Magull, 64. min), Verena Schweers; Lena Oberdorf, Lena Goessling (Melanie Leupolz, 80. min), Sara Däbritz; Svenja Huth, Giulia Gwinn eta Alexandra Popp.

0 - Espainia: Sandra Paños; Marta Torrejon, Irene Paredes, Mapi Leon, Marta Corredera; Virginia Torrecilla, Silvia Meseguer (Patri Guijarro, 66. min); Mariona Caldentey (Lucia Garcia, 59. min), Alexia Putellas (Aitana Bonmati, 77. min), Jenni Hermoso; eta Nahikari Garcia.

Gola: 1-0, 42. min, Däbritz.

Epailea: Kateryna Monzul. Txartel horia atera zion Schweers (63. min) Alemaniako jokalariari.