Real Madril, Van Nistelrooy fitxatzetik gertu

Real Madrilek aurrelari bat fitxatu nahi zuela argi zegoen Higuain lesionatu zenetik. Hainbat zurrumurruren ondoren talde madrildarrak Rudd Van Nistelrooy fitxatzeko ahalegina egingo du. Horretarako bi milioi euroko eskaintza egin dio Hamburgori. Badirudi talde alemaniarrari ez zaiola eskaintza txarra iruditzen.

Van Nistelrooyk entrenamendu baten argi utzi zion entrenatzaileari ez dagoela gustora Hamburgon eta Real Madrilera joan nahi duela. Van Nistelrooy dohain iritsi zen Hamburgora eta denboraldia bukaeran libre geratuko da.

Orain aste batzuk Mourinhok esan zuen gustora hartuko lukeela Van Nistelrooy bezalako aurrelari bat eta badirudi taldean izango duela uste baino lehenago. Van Nistelrooyren fitxaketa asteburu honetan bertan itxi dezake Real Madrilek.