Futbola
Txapelketa berria
UEFA beste lehiaketa bat ari da prestatzen 2021/2022 denboraldirako
AGENTZIAK | ERREDAKZIOA
Hartara, Europak hiru txapelketa izango ditu berriz ere, XX. mende amaieran gertatu bezala. Garai hartan, Txapeldunen Liga, UEFAko Kopa (egungo Europa Liga) eta Errekopa zeuden martxan.
-
UEFAren egoitza. Artxiboko argazkia: EFE
Kluben Elkarte Europarrak (ECA), hau da, Europako futbol talde nagusienak batzen dituen erakundeak, astearte honetan baieztatu duenez, oniritzia eman dio 2021/2022 denboraldirako UEFAk hirugarren lehiaketa bat martxan jartzeari.
"UEFAren Batzorde Betearazlearen onespenaren faltan, 'argi berdea' eman zaio 2021/2022 denboralditik aurrera hirugarren lehiaketa bat egon dadin. Horrenbestez, denetara 96 izango dira Europan lehian arituko diren taldeak", adierazi du Andrea Agnelli Juventus futbol taldeko zein ECAko presidenteak.
Regarding the future of @UEFA Club Competitions, Andrea Agnelli informed members:
— ECA (@ECAEurope) 11 de septiembre de 2018
"Pending approval of the @UEFA ExCo, the 'green light' has been given to introduce a third competition, bringing the overall number of clubs to 96, as of the 2021/22 season" #ECAGeneralAssembly pic.twitter.com/W8tXL1pdsN
Hartara, Europak hiru txapelketa izango ditu berriz ere jokoan, XX. mende amaieran gertatu bezala. Garai hartan, Txapeldunen Liga, UEFAko Kopa (egungo Europa Liga) eta Errekopa zeuden martxan. Azken txapelketa horrek Kopako txapeldunak biltzen zituen, eta 1999. urtekoa izan zen lehiatu zen azkena.
