Futbola
Igotzeko play-offak
Osasuna Promesas eta Mutilvera, Bigarren B Mailara
Erredakzioa
Gorritxoek Elx Ilicitanoren aurkako kanporaketa irabazi dute, eta Mutilvera garaile atera da Conquenseren aurkako lehian. Nafarroako bi taldeek lortu dute mailaz igotzea.
-
Osasuna Promesaseko jokalariak Bigarren B Mailara igo dutela ospatzen. Argazkia: CA Osasuna
Nafarroako futbola zorioneko dago. Iragan asteburuan Osasunak Lehen Maiala igotzea lortu zuen, eta astea bukatzeko Nafarroako bi taldek lortu dute Bigarren B Mailara igotzea: Osasuna Promesasek eta Mutilverak.
Osasuna B taldeak Elx Ilicitanoren aurka jokatu du Hirugarren Mailatik Bigarren B Mailara igotzeko play-offetako finala. Joaneko partidan, 2-1 irabazi zuen Elx Ilicitanok, baina gorritxoek 4-2 irabazi dute itzulerako partida, eta, ondorioz, brontzezko mailara igotzeko txartela lortu dute.
Mutilverak, bestalde, Conqueseren aurkako kanporaketa gainditu du. Mutilnovan jokatu zen joaneko partidan golik gabe berdindu (0-0) zuten bi taldeek. Itzulerako norgehiagoka larunbatean jokatu zen Cuencan. Partida hartan, Conquensek 1-0ekoa sartu zuen 17. minutuan, Tobosoren bitartez, baina Mutilverak banakoa (1-1) lortu zuen 67. minutuan, Alvarez de Eulateren golari esker. Bana (1-1) bukatu zuten itzulerako partida, eta berdinketa kasuan etxetik kanpo sartutako golek balio bikoitza dutenez, Nafarroako taldeak lortu du igoera.
ortu du igoera.