Futbola
Playouta
Leioak emaitza ona lortu du Xativan
Erredakzioa
Talde bizkaitarrak bana (1-1) berdindu zuen Olimpicen aurka Bigarren B Mailan mantentzeko playouteko joaneko partida.
-
Olimpiceko eta Leioako kapitainak partidako epaileekin. Argazkia: Insiga SD Leioa
Leioa Bigarren B Mailan mantentzeko playouteko kanporaketa jokatzen ari da, eta igandean emaitza ona eskuratu zuen Olimpicen aurka Xativan jokatu zen joaneko partidan.
Talde bizkaitarrak bana (1-1) berdindu zuen Olimpicen zelaian. Leioak hartu zuen aurrea markagailuan Bonillak faltaz sartutako gol ikusgarri bati esker, baina atsedenaldira iritsi baino lehen San Julianek banakoa sartu zuen. Bigarren zatian bi taldeek izan zituzten golak sartzeko abaguneak, baina bietako batek ere ez zuen aurkariaren ate aurrean asmatu. Kanporaketa datorren igandean erabakiko da Sarrienan, 18:00etan.
Playouteko kanporaketetako emaitzak (joaneko partidak):
CD Olimpic-SD Leioa (1-1)
CP Cacereño-Linares Deportivo (0-0)
