Futbola
Bigarren Mailara igoera
Barakaldok eta Tudelanok, kanporaketak maldan gora
Erredakzioa
Bizkaiko taldeak 1-0 galdu zuen Lleidaren aurka igoera playoffetako final-laurdenetako joaneko partida eta talde nafarrak 0-1 galdu zuen Herculesen aurka.
Bideoak (1)
Barakaldok eta Tudelanok maldan gora dituzte Bigarren Mailara igotzeko playoffetako kanporaketak, biek porrotak jaso baitzituzten final-laurdenetako joaneko partidetan.
Bizkaiko taldeak 1-0 galdu zuen Lleidaren aurka eta emaitza irauli beharko du datorren igandean, 20:00etan, Lasesarren. Partida zuzenean eskainiko dute ETB1ek eta eitb.eus-ek. Lleidaren eta Barakaldoren arteko partida abagune gutxikoa izan zen, baina Kataluniako taldeak ez zuen barkatu izan zuen abagune urrietako baten eta garaipena eskuratu zuen.
Tudelanok ere emaiza kaskarra eskuratu zuen. Etxean jokatu zuen joaneko partida Herculesen aurka eta 0-1 galdu zuen. Norgehiagoka parekatua izan zen, baina bigarren zatian Javi Floresek sartutako gola izan zen erabakigarria. Gol horrek Mikel Pagola atezainak golik jaso gabe zeraman marka eten egin zuen. Itzulerako partida igande honetan izango da, 19:30ean, Jose Rico Perez estadioan.
Txapeldunen arteko kanporaketak (joaneko partidak):
UCAM Murtzia-Real Madril Castilla (2-1)
Racing Santander-Reus (0-3)
Final-laurdenetako kanporaketen emaitzak (joaneko partidak):
Lleida-Barakaldo (1-0)
Tudelano-Hercules (0-1)
Sevilla Atletico-Socuellamos (1-1)
Cadiz-Racing de Ferrol (0-0)
Toledo-Real Murtzia (0-0)
UD Logroñes-Vila-real B (0-0)
