Futbola
Argentinara abiatu aurretik
Messik kontratu berria sinatu du
Erredakzioa
Argentinarrak 2018. urtera arteko kontratua dauka, eta orain adostutakoarekin munduan gehien kobratuko duen jokalaria izango da (20 milioi euro inguru, urtero).
-
Leo Messi. Argazkia: EFE
Leo Messik bere kontratua hobetzeko akordioa sinatu du gaur, FC Bartzelonak jakinarazi duenez. Hitzarmenaren sinaduran, jokalaria, bere aita Jorge Messi eta Josep Maria Bartomeu Barçako presidentea izan dira.
Negoziazioak aspaldi hasi ziren, Sandro Rosell Barçako presidentea zenean, baina orain zehaztu dute hitzarmena. Argentinarrak 2018. urtera arteko kontratua dauka, eta orain adostutakoarekin munduan gehien kobratuko duen jokalaria izango da (20 milioi euro inguru, urtero). Etete klausulak 250 milioi euroko izaten jarraituko du.
