Futbola
Ipuruan
Puntu bat eskuratu dute armaginek Ponferradinaren aurka (0-0)
Erredakzioa
Garitanoren taldeak sarea zulatzeko gol-aukera garbiak izan ditu, lehen zatian batez ere, baina azkenean hutsean bukatu da partida.
-
Urko Vera. Argazkia: EITB
Eibarrek puntu bat eskuratu du Ponferradinaren aurka (0-0) Ipuruan jokatutako Adelante Ligako 38. jardunaldiko partidan.
Lehen zatia ez da ona izan, baina markagailua estreinatzeko gol-aukera garbienak talde armaginak izan ditu. 14. minutuan abagune ederra izan du Jota Peleteirok, eta 39.ean kanpora joan da Moralesek egindako jaurtiketa.
Garitanoren gizonek golaren bila jarraitu dute norgehiagokaren bigarren zatian, baina jokoaren kalitateak behera egin du, eta, azkenean, ez dira gola egiteko gai izan.
Hurrengo jardunaldian, garrantzi handiko neurketa izango dute gipuzkoarrek Riazorren, Deportivo liderraren kontra.
