Futbola
Garaipena, etxetik kanpo (0-2)
Salbazioaren ametsari eusteko garaipena lortu du Alavesek
Erredakzioa
Gasteiztarrek sei partida zeramatzaten garaipenik lortu gabe, eta sailkapeneko azken postutik ateratzea lortu dute. Manu Garcia eta Viguera izan dira golegileak.
Alavesek salbazioaren ametsa berpiztu du Recreativori 0 eta 2 irabazita. Huelvako taldeak partida eskasa egin du; gasteiztarrak, berriz, serio aritu dira.
Garaipen honi esker, arabarrek amaiera eman diote sei partidako bolada txarrari, eta sailkapeneko azken postutik alde egitea lortu dute.
Recreativo ondo hasi da, baina Alaves hobeto kokatuta egon eta finago aritu da, batez ere geldikako jokaldietan. Nagusitasun horren ondorioz iritsi da lehen gola. Manu Garcíak egin du, Huelvakoen atzelarien hutsa aprobetxatuta, 28. minutuan.
Bigarren zatian egindako lehen erasoan egin dute bigarrena gasteiztarrek. Borja Viguera aurrelaria izan da golegilea.
Fitxa teknikoa:
0.- Recreativo: Cabrero; Córcoles, Zamora, Ruymán, Toño; Jesús Vázquez (Nong, 59. min), Montoro, Álvaro Antón (Jorge Larena, 59. min); Arana (Ezequiel, 16. min), Joselu eta Linares.
2.- Alaves: Crespo; Óscar Rubio, Mora (Samuel Llorca, 35. min), Jarosik, Raúl García; Dani García (Juanma, 71. min), Beobide, Manu García, Emilio Sánchez; Ion Vélez (Álex Ortiz, 82. min) eta Viguera.
Golak: 0-1, 28. min: Manu García; 0-2, 47. min: Viguera.
