Real Madril-Osasuna (7-1): Jipoia Bernabeun

Real Madrilen kontrako golarekin ere, Osasuna erantzuteko gai izan da. Zortzi minutu geroaro Ibrahimak berdinketa eraman du Bernabeura. ‘Gorritxoek’ Nino lurreak zela arin atera dute falta eta Ibrahimak aukera aprobetxatu du gola egiteko.

Baina Real Madrilek ez dite hiru puntuak ihes egiterik nahi izan eta lanean jarraitu du. Lokalen erdiraketa batean Pepek baloia Andres Fernandezen ate barrura bidali du. Peperen golarekin Osasuna berdegunean sufritzen hasi da. Higuainek hirugarrena egin du. Argentinarrari arazo gabe arean sartzen utzi dio defentsa nafarrak. Mendilibarren mutilek ezin izan dute erreakzionatu.

Di Mariak min hartu du bigarren zatia hasi berritan. Benzemaren sarrerarekin, frantziarraren eta Higuainen arteko konexioak ederki funtzionatu du. ‘Gorritxoak’ baloiak lapurtzen jarraitu badute ere Real Madrilek ez du barkatu eta golak sartzen jarraitu du, bata bestearen atzetik.

Satrustegik Ozil eraman du aurretik area barruan eta epaileak jokalari gaztea kanporatu eta penaltia adierazi du. Cristiano Ronaldok penaltia sartu du eta madrildarren laugarren gola egin du. Markagailua kontra eta jokalari bat gutxiagorekin, aldats gora jarri zaio neurketa Mendilibarren taldeari. Minutu batzuk geroago portugaldarrak ‘hat-trickaren’ gola sartu du eta Benzemak beste bi gol gehiago sartu ditu. Azkenean 7-1 bukatu da neurketa.

Porrot garratza pairatzeaz aparte, Osasunak beste jokalari bat gehitu dezake lesionatuen zerrendara. Raul berdegunea min hartuta laga du.

Fitxa teknikoa:

7 - Real Madril: Casillas; Arbeloa, Sergio Ramos, Pepe, Coentrao; Khedira (Sahin, 67), Xabi Alonso, Di María (Benzema, 49); Özil (Callejón, 67), Cristiano Ronaldo eta Higuaín.
1 - Osasuna: Andrés Fernández; Damià, Lolo, Miguel Flaño, Satrústegui; Puñal (Rubén, 75), Nekounam; Calleja (Timor, 86), Raúl García, Ibrahima; eta Nino (Marcos Pérez, 59).

Golak: 1-0, 23: Cristiano Ronaldo. 1-1, 30: Ibrahima. 2-1, 34: Pepe. 3-1, 40: Higuaín. 4-1, 54: Cristiano Ronaldo penaltiz. 5-1, 58: Cristiano Ronaldo. 6-1, 62: Benzema. 7-1, 81: Benzema.

Epailea: Álvarez Izquierdo. Txartel horia Puñali (23) Osasunan. Satrustegi kanporatu zuen bi txartel horirekin (32 eta 54).