Osasuna
Molinon
Sporting-Osasuna (1-0): Garesti ordaindutako hutsa
Erredakzioa
Talde gorritxoak garesti ordaindu du asturiarren gola ekarri duen hutsa, Lolok egindakoa.
Osasunak galdu egin du&' || 'nbsp;Molinon futbol-zelaian&' || 'nbsp;(1-0) gorritxoen atzealdearen huts batek eragindako golagatik. Barralek atzealdearen gaizki ulertua ondo baino hobeto aprobetxatu du&' || 'nbsp;Sportingi hiru puntuak emateko.
Miguel Flaño izan da lehenengo errematea egin duena. Ondoren, De las Cuevasek jaurtiketa gurutzatua egin du baina Ricardok ondo salbatu du aukera.
Osasunaren erantzuna Cejudot eman du jaurtiketa azul batekin. Nacho Novok gogorrago jaurti du, baina baloiak ez du ateko bidea aurkitu.
Une horretara arte, Sportingek sortu ditu aukerarik garbienak, baina Osasunak zalantzak eraman ditu harmailetara Camuñasek egin duen jaurtiketa bortitz batekin.
Bigarren zatiko lehenengo minutuetan partidak lehenengoaren gidoi bera jarraitu du. Botica aukera sortu du korner bat errematatzera joan denean, eta erantzuna Solak eman dio.
Hortxe bertan egin du behera partidak. Jokoan behintzat. Baina gola ekarri du beherakada horrek; Lolok ez du baloia aldendu –akaso Ricardok eskatuta-, eta gaizki ulertua Barralek baliatu du gola egiteko.
Etxekoak gola ospatzen ari ziren bitartean, bisitariak eztabaidaka hasi dira, hutsaren errua bata besteari leporatzen.
Aldaketen ondoren, Sportingentzat izan da partida argi eta garbi. Luis Moranek Ricardoren atea estutu du denbora agortzen ari zela.
Fitxa teknikoa:
1 - Sporting: Juan Pablo, Lora, Botía, Iván Hernández, José Ángel, Rivera, Nacho Cases, Nacho Novo (Eguren,m.71), André Castro (Diego Castro,m.62), De las Cuevas (Luis Morán,m.77) eta Barral
0 - Osasuna: Ricardo, Nelson, Lolo, Miguel Flaño, Monreal, Cejudo (Lekka,m.83), Puñal (Calleja,m.77), Vadocz, Nekouman, Camuñas (Pandiani,m.60) eta Sola.
Gola: 1-0: m.65: Barral.
