Pandiani zalantza da Zaragozaren aurka jokatzeko

Walter Pandiani Osasunako aurrelari uruguaiarra zalantza da Zaragozaren aurka jokatu beharreko hurrengo partidarako. Astelehenean min hartu zuen Mestallan eta oraindik ez da sendatu.

Talde gorritxoko medikuek esan dute bi egun egon beharko dela atseden hartzen iztarararen atzealdean duen mina gutxiagora joateko.

Bestalde, Damia Albella hegaleko jokalaria min harturik egon da azken bi asteotan eta badirudi jokatzeko prest egon daitekeela datorren igandean. Iruñeako San Miguel klinikan egin dizkioten frogek adierazi dute lesioa hobera doala eta jokalaria sendatze bidean dela.