Osasuna
Larunbata, 13:00etan
Osasunak suspertzeko ordua du, Bartzelonaren aurka
Agentziak | Erredakzioa
Caparros iritsi zenetik taldek ez du bere ibilbidea zuzendu, eta andaluziarraren aginduetara jokatutako lau partidak galdu ditu.
-
Joaquin Caparros. Argazkia: Efe.
Osasunak Bartzelona hartuko du larunbatean Sadarren. Nafarrek nahitaezkoa dute punturen bat lortzea, sailkapeneko zuloan direlako eta Lehen Mailan jarraitzeko eskubidea ematen duten postuak 5 puntura dituztelako.
Bartzelona ere ez da bere momenturik onenean. Real Madril sei puntura du, eta Ligan jokatutako azken hiru partidak berdindu egin dituzte.
Caparrosen taldeak ez du oraindik etxean norgehiagokarik irabazi. Azken postuan dira aurreko jardunaldian Sportingekin galdu ostean.
Entrenatzaile andaluziarrarekin jokatutako lau partidetan galtzaile atera dira gorritxoak: hiru Ligan, eta beste bat Errege Kopan. Gol bat egin dute, eta bederatzi sartu dizkiete.
Ustezko hamaikakoak:
Osasuna: Nauzet; Oier, Miguel Flaño, Iván Márquez, Clerc; De las Cuevas, Roberto Torres, Causic, Alex Berenguer; Sergio León eta Oriol Riera.
Barcelona: Ter Stegen; Sergi Roberto, Piqué, Mascherano, Jordi Alba; Sergio Busquets, Rakitic, Iniesta; Messi, Luis Suárez eta Arda Turan.
Epailea: Martínez Munuera (Valentziako batzordekoa).
Estadioa: Sadar.
Orduan: 13.00etan.
13.00etan.