Reala Sevillaren aurkako partida prestatzen hasi da

Reala gaur hasi da Sevillaren aurkako partida prestatzen, Zubietan, eta badirudi Jagoba Arrasate entrenatzailea min hartutako jokalariak berreskuratzen hasi dela.

Izan ere, gaurko lansaioak irudi bitxia utzi digu. Aspaldiko partez, jokalari guztiak, taldea osoa, elkarrekin entrenatu da. Guztiak, noski, Esteban Granero izan ezik.

Prentsa aretoan, Sergio Canalesek hitz egin du. Etorri berria, maila ona ematen ari da Realean, baina badaki konpetentzia handia dagoela eta lanean jarraitu behar duela. Bartzelonaren aurka lortutako garaipenak taldeari konfiantza emango diola uste du, eta taldeko postu guztietan dagoen lehia onuragarria dela adierazi du.