Primera RFEF
Bigarren B maila, playoffak
Sestao, Tudelano eta Izarra azken faserako sailkatu dira
Erredakzioa
Finalerdietako kanporaketak gainditu dituzte hiru taldeek eta igotzeko azken fasea jokatuko dute. Mutilverak ezin izan du aurrera egin Manacorren aurka.
Sestao Riverrek, Tudelanok eta Izarrak Bigarren B Mailara igotzeko azken faserako txartela lortu dute finalerdietako kanporaketak gainditu ostean. Bizkaitarrek 3-2 galdu dute Las Palmas Atleticoren aurka, baina joaneko partidako 1-0ekoarekin Sestaoko taldeak sailkatzea lortu du.
Tudelanok erraz gainditu du Pozoblanco (2-0) eta Izarrak 1-1 berdindu du Ferrolen aurka. Hala ere, nafarrek 2-1 irabazi zuten etxean galiziarren aurka eta azklen faserako txartela eskuratu dute.
Bestalde, Mutilverak agur esan dio igotzeari, Manacorren aurka 2-1 galdu ostean.
