Primera RFEF
Asteazkenean, 20:00etan
Real Union-Sevilla (Kopa): Irundarrak, sasoi onean
Erredakzioa
Liga hasiera kaskarra egin zuten arren, Alvaro Cerveraren gizonek hilabate eta erdi daramatzate partida bakar bat galdu barik.
Une gozoan helduko da Real Union Kopako final-hamaseirenetako hitzordura. Asteazkenean Sevillaren aurka neurtuko dituzte indarrak, Stadium Galen (20:00etan).
Irundarrek hilabete eta erdi daramatzate partida bat galdu barik. Lau garaipen eta hiru berdinketa eskuratu dituzte eta Ligan laugarren postuan dira Bigarren B Mailako II. multzoan.
Liga hasiera kaskarra egin zuten Alvaro Cerveraren gizonek, baina jardunaldiek aurrera egin ahala hobetu dute. Bolada onean diren arren, etxean hobetzeko asko dute oraindik ere (orain arte garaipen bat baino ez dute batu).
Asteazkeneko partida, ordea, ezberdina izango da. Real Unionek lasaitasunez egingo dio aurre Sevillaren kontrako norgehiagokari eta Stadium Galen futbolaz gozatzea dute helburu, hori bakarrik.
