Athletic Club
0-0 Malagaren aurka
Athleticek ez du merezitako saria jaso
Erredakzioa
Talde zuri-gorria jaun eta jabe izan da Malagaren aurka, baina ezin izan du aurkariaren atea zulatu. Epaileak ez du talde zuri-gorriaren aldeko penalti argi bat adierazi.
-
Llorentek baloia darama Demichelisen aurrean. Argazkia: EFE
Albisteak (1)
Galeriak (1)
Informazio gehiago (1)
Athleticek golik gabe (0-0) berdindu du Malagaren aurka San Mamesen jokatu duen partida. Garaipena lortzeko merituak egin ditu talde zuri-gorriak, baina ez du aurkariaren atea zulatzea lortu, eta puntu bakarra eskuratu du.
Hasieratik erritmo bizia izan du partidak, baina ez da gol aukera askorik egon lehen zatian. Athleticentzat izan da lehen gol aukera. Susaetak jokaldi ona egin zuen, baina haren jaurtiketa kanpora joan da. Jarraian Malagaren erantzuna etorri da, baina Raul atezainak erantzun bikaina eman dio Joaquinen jaurtiketari. Hamaseigarren minutuan etorri da Malagaren bigarren gol aukera. Monrealen jaurtiketa kanpora joan da, eta hurrengo jokaldian Willy Caballero atezainak Adurizi gola sartzeko aukera kendu dio irteera ona eginda.
Lehen zatiko azken minutuetan, jaun eta jabe izan da Athletic. Aduriz bakarrik geratu da Caballeroreen aurrean eta baloia loratu du, baina errematea desbideratuta atera zaio. Luzapenean, epaileak ez du Athleticen aldeko penalti argia adierazi. Demichelisek area barruan heldu egin dio Adurizi, baina Mateu Lahoz epaileak ez du ezer adierazi. Horrenbestez, golik gabe bukatu da lehen zatia (0-0).
Bigarren zatian jaun eta jabe izan da Athletic. Zuri-gorriena izan da baloiaren jabetza, baina azken metroetan asmatzea falta izan zaie. Malaga kontrolpean izan du Bielsak zuzentzen duen taldeak, baina talde andaluziarra sendo ibili da defentsa lanean.
Athleticeko entrenatzaileak Llorente eta Ibai Gomez atera ditu Adurizen eta Ismael Lopezen ordez. Gol aukerak, ordea, partidako azken txanpan etorri dira. Raul Fernandezek andaluziarren gola eragotzi du 76. minutuan. Athleticeko atezainak erantzun bikaina eman dio Eliseuren jaurtiketa on bati. Partidako aukera argiena Athleticek izan du 82. minutuan. Iraolak pase bikaina eman dio Susaetari, eibartarra bakarrik geratu da atezainaren aurrean, baina bere errematea Caballerok desbideratu du.
Azkenean, talde bietako bat ere ez da gola sartzeko gai izan, eta puntu bana eskuratu dute.
Fitxa teknikoa:
0 - Athletic: Raul; Iraola, Ekiza, Gurpegui, Castillo; Iturraspe; Susaeta, De Marcos, Muniain (Toquero, 87. min), Isma López (Ibai Gomez, 46. min); eta Aduriz (Llorente, 46. min).
0 - Malaga: Caballero; Gamez, Demichelis, Weligton, Monreal; Toulalan (Iturra, 78. min), Camacho; Joaquin (Portillo, 67. min), Isco, Eliseu; eta Saviola (Santa Cruz, 57. min).
Epailea: Mateu Lahoz.
