Athletic Club
Zuzendaritza
Javi Martinezen salmentaren dirua harrobian inbertituko du Athleticek
Erredakzioa
Gainera, talde zuri-gorriak dirua "Bizkaiko Foru Aldundiarekin duen zorra kitatzeko" erabiliko du. Bestalde, Athleticek omenaldia egingo dio Jose Angel Iribarri igandean.
-
Ibaigane. Argazkia: EITB
Atzo Zuzendaritzak hartutako erabakien berri eman du gaur talde zuri-gorriak komunikatu batean. Jokalari nafarra Bayern Munichi 40 milioiren truke saldu eta gero, "diruzaintza egitasmoa" egin du Zuzendaritza Batzordeak.
"Foru Ogasunarekin duen zorra behar baino lehenago kitatzeko eta harrobiko egitura sendotzeko, baliabideak eta antolamendua hobetzeko" diru hori erabiltzea erabaki du Athleticek.
Iribarri omenaldia
Bestalde, Jose Angel Iribar atezain handiari omenaldia egingo dio San Mamesek datorren igandean. Ate zuri-gorrian orain dela 50 urte debuta egin zuen Iribarrek.
Malagaren aurkako neurketaren (19:50ean) atarian omenaldia egingo diotela jakinarazi du klubak. Iribarrek Malagaren aurka egin zuen debuta, baina La Rosaleda futbol-zelaian, 1962ko irailaren 23an.
