Ferguson: 'San Mamesen jokatu nuen partida gogoan dut'

Erredakzioa

Azken eguneratzea: 2012/03/14 20:27 (UTC+1)

Eskoziako teknikariak Jose Angel Iribarri gola sartu zion Glasgow hirian. Fergusonek Athleticen aurka jokatu zituen neurketak gogoratu ditu San Mameseko prentsa aretoan.

Alex Ferguson. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (3)

Alex Fergusonek Athleticen aurka jokatu zituen norgehiagokak gogoratu ditu San Mameseko prentsa aretoan. "San Mamesen jokatu nituen partidetako oroitzapen onak ditut, gol bat lortu nuela uste dut gainera" adierazi du Eskoziako teknikariak. Chicharito Hernandezekin batera prentsa aretoko argazkiak komentatu ditu Fergusonek eta Iribarri Glasgow hirian sartu zion gola gogoratu du. Gainera, "Pichichiren bustoa" gogoratzen zuela azaldu du Manchester Unitedeko prestatzaileak.

1969an Rangers taldean aurrelari gisa jokatu zuen Alex Fergusonek eta zuri-gorrien kontra jokatu zuen Ferietako Kopan. Eskoziarrak partidako aurreneko gola eskuratu zuen Jose Angel Iribar gaindituta. Athleticeko atezain mitikoaren argazkia ikusi du Fergusonek San Mameseko prentsa aretoan eta lortutako gola gogoratu egin du. Rangersek 4-1irabazi zuen Eskozian eta zuri-gorriek 2-0 irabazi zuten Bilbon.