Athletic Club
Derbia San Mamesen
Bielsak Javi Martinez erdian jarriko du eta Muniain zalantza da
Erredakzioa
Iturrasperen lekua hartuko du Aiegiko jokalariak erdigunean. Muniainek gandor iliakoan kolpea hartu du eta azken unera arte derbia jokatzeko zalantza izango da.
Lezaman burututako lan saioan Marcelo Bielsak Javi Martinez erdigunean kokatu egin du eta badirudi Realaren aurka Iturrasperen ordez Aiegiko jokalaria izango dela berdegunean. Gainera Iker Muniainek gandor iliakoan kolpea hartu du eta entrenamendua utzi behar izan du. Txantreako jokalaria azken unera arte zalantza izango da.
Muniain bilakaeraren zain dago eta biharko lan saioan (goizeko 10:00etan) jakingo da nafarrak derbian parte hartuko duen edo ez. Llorentek, Amorebietak eta Ibaiek ere entrenamendua lehenago bukatu dute.
Rosarioko teknikariak badirudi honako hasierako hamaikakoa jarriko duela San Mamesen Realaren aurka: Iraizoz, Iraola, San Jose, Amorebieta, Aurtenetxe, Javi Martinez, Susaeta, Herrera, De Marcos, Muniain eta Llorente.
