Macua: 'Kontabilitateko desadostasunak dira, dirua klubak du'

Erredakzioa

Azken eguneratzea: 2011/09/26 20:24 (UTC+2)

Athleticeko presidente ohiak prentsaurrekoa eskaini du '10 milioiak klubak bere kontuan' dituela argi uzteko.

06:44

Whatsapp
Whatsapp
telegram
twitt
Bidali
Esteka kopiatu

Albisteak (1)

Urrutiak 10 milioi euroko defizita aurkeztuko du Bazkideen batzarrean

Bideoak (1)

Garcia Macua: 'Ez dago zulorik, 10 milioiak sartuta daude'

Athletic Clubeko zuzendari ohiak eta Fernando Garcia Macua presidente ohiak prentsaurrekoa eskaini dute Carlton hotelean iazko aurrekontuetako gora-beherak azaltzeko. Macuaren hitzetan, Josu Urrutiak Bazkideen batzarrean aurkeztuko duen 10 milioiko defizita “soilik kontabilitateko desadostasunei” dagokio, izan ere diru hori “Athleticen kutxan eta kontuetan sartuta” baitago.

Juan Antonio Zarate izan da Fernando Garcia Macuarekin batera prentsaurrekoan, eta bertan zuzendaritza ohiak eta Urrutiaren zuzendaritzak kontabilitate arloan dituzten desadostasunak azaldu ditu ekonomia arloko arduradun ohiak. Abokatuaren ustez, Bilboko klubak ez du defizitik.

Diru kopurutik 7,3 milioi euro ‘bazkide barrien’ ekarpenei dagokio. Macuaren zuzendaritzaren ustez, diru hori iazko kontuei dagokie eta ez 2011-2012ko kontuei, izan ere bazkide horiek “eskubide guztiak” lortu baitzituzten “2010eko uztailan Zuzendaritza Batzak adostu” eta gero “Batzar Orokorrak onartu” zuenez.

Gainera, beste desadostasun bat telebistekin lortutako akordioari dagokio. Macuaren esanetan, 2 milioi euro eskuratu zituen Athleticek.