Athletic Club
Igandean, 16:15ean
Athletic-Eibar, euskal derbia Europari begira
Erredakzioa
Norgehiagoka San Mamesen jokatuko da igande honetan, 16:15ean. Talde zuri-gorriak Adurizen, Raul Garciaren eta Iturrasperen bajak izango ditu.
-
San Jose eta Sergi Enrich, iragan denboraldiko Athletic-Eibar partidan. Argazkia: EFE
Athletic eta Eibar elkarren aurka lehiatuko dira igande honetan San Mamesen, 16:15ean. Euskal derbi honetan Europako postuengatik borrokan jarraitzea izango dute jokoan bi taldeek.
Zuri-gorriek 20 puntu dituzte, eta armaginek 21 puntu, bizkaitarrek baino puntu bat gehiago. Athleticek porrota jaso zuen Las Palmasen aurka (3-1) iragan jardunaldian eta Kopan 1-2 irabazi zion Racing Santanderri. Eibar, aldiz, bolada onean doa San Mamesera azken hiru partidetan garaipena lortu baitu; Celtaren (1-0), Betisen (3-1) eta Sportingen (1-2) aurka, azken hau Kopan.
Bizkaiko taldeak baja garrantzitsuak izango ditu armaginen aurkako partidarako. Iturraspez gain, Aritz Aduriz eta Raul Garcia baja izango dira igande honetan.
Ustezko hamaikakoak:
Athletic: Kepa; Boveda, Yeray, Laporte, Balenziaga; San Jose, Beñat; Susaeta, Eraso, Muniain; eta Williams.
Eibar: Riesgo; Arbilla, Galvez, Lejeune, Antonio Luna; Fran Rico, Dani García; Pedro Leon, Adrian edo Kike García, Inui; eta Sergi Enrich.
Epailea: Xavier Estrada Fernandez.
Zelaia: San Mames.
Ordua: 16:15ean.
15ean.
15ean.
15ean.
